Tokio Olimpiadasında koronavirusa 29 yeni yoluxma halı qeydə alınıb
Tokio, 4 avqust, AZƏRTAC
Tokio Olimpiadasında son sutka ərzində daha 29 nəfərdə koronavirusa yeni yoluxma halı qeydə alınıb.
AZƏRTAC “Tokio-2020”nin təşkilat komitəsinin saytına istinadla xəbər verir ki, bu iyulun 1-dən bəri ən yüksək antirekorddur. Yoluxanlardan 4-nün idmançı olduğu bildirilir. Bununla da Oyunlarla əlaqəli şəxslər arasında koronavirusa yoluxanların ümumi sayı 322 nəfərə çatıb.
Bundan əvvəlki antirekord iyulun 30-da aşkar edilib. Həmin gün 27 nəfərin koronavirusa yoluxduğu qeyd edilir.
Olimpiadaya hazırlıq və yarışlar dövründə ümumilikdə 500 mindən çox koronavirus testi götürüldüyü də qeyd edilir.
Xatırladaq ki, epidemioloji vəziyyət ağır olduğuna görə hökumət paytaxt regionunda fövqəladə vəziyyət rejiminin müddətini avqustun 31-dək uzadıb. Buna görə də Tokioda təşkil edilən Yay Olimpiya Oyunları tamaşaçılarsız keçirilir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
