Tomas Bax: Tokio Olimpiadası yapon xalqı üçün qürur mənbəyi olacaq
Bakı, 6 yanvar, AZƏRTAC
Düşünürəm ki, Tokio Olimpiadası dünyaya ümid və inam verəcək, eyni zamanda, Yaponiya xalqının qürur mənbəyinə çevriləcək.
AZƏRTAC xəbər verir ki, bu fikir Beynəlxalq Olimpiya Komitəsinin (BOK) prezidenti Tomas Baxın Yaponiyanın “Yomiuri” qəzetində dərc edilən müsahibəsində yer alıb.
T.Bax koronavirus pandemiyası zamanı Oyunların keçirilməsi ilə bağlı narahatlıqları başa düşdüyünü qeyd edib. O, Yaponiyada infeksiyanın yayılmasına baxmayaraq, idman yarışlarının keçirildiyini, peyvəndlərin və təsirli test üsullarının sınağının və tətbiqinin davam etdiyini xatırladıb.
Tokio Olimpiadası 2020-ci ilin iyulun 24-dən avqustun 9-dək keçirilməli idi. Koronavirus pandemiyası səbəbindən yarış bir il təxirə salınıb. Dördilliyin zirvə yarışlarının iyulun 23-dən avqustun 8-dək keçirilməsi planlaşdırılır.
Bölmənin digər xəbərləri
