Topaz Premyer Liqası: “Keşlə” öz meydanında “Qarabağ”a qalib gəlib
Bakı, 12 may, AZƏRTAC
Mayın 12-də futbol üzrə Topaz Premyer Liqasında XXVII tura start verilib.
AZƏRTAC xəbər verir ki, turun ilk oyununda “Qarabağ” komandası səfərdə “Keşlə” ilə qarşılaşıb.
“İnter Arena”da keçirilən matç meydan sahiblərinin 3:0 hesablı qələbəsi yekunlaşıb. Görüşdə hesabı dördüncü dəqiqədə “Keşlə” açıb. Paytaxt təmsilçisinin legioneri Andre Klenon komandasını hesabda önə çıxarıb. Bu qoldan dörd dəqiqə sonra Pərdis Fərcad-Azad fərqi iki topa çatdırıb. Matçda sonuncu qolu Slavik Alxasov vurub.
Bu oyundan sonra xallarının sayını 28-ə çatdıran “Keşlə” altıncı yerdəki mövqeyini daha da möhkəmləndirib. “Qarabağ” isə 62 xalla birinci yerdədir.
Bölmənin digər xəbərləri
