Tovuzda ərzaq satışı mağazasında istehlaka yararsız məhsullar aşkarlanıb
Bakı, 22 may, AZƏRTAC
Qida Təhlükəsizliyi Agentliyi ölkə ərazisində qanunvericiliyin tələbləri çərçivəsində qida təhlükəsizliyinin təmin olunması və istehlakçı hüquqlarının müdafiəsi sahəsində tədbirləri davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, tədbirlər çərçivəsində Tovuz rayonunun Aşağı Öysüzlü kəndində Tağıyeva Xəyalə Akif qızına məxsus ərzaq satışı mağazasında yoxlama aparılıb.
Baxış zamanı mağazada qida təhlükəsizliyi sahəsində normativ-hüquqi aktların tələblərinin pozulduğu, yararlılıq müddəti bitmiş məhsulların satışının həyata keçirildiyi aşkarlanıb. Faktla bağlı qanunvericiliyə uyğun olaraq, sahibkar barəsində protokol tərtib edilib və saxlanma müddəti bitmiş məhsulların məhv edilməsinə dair qərar qəbul olunub.
Bölmənin digər xəbərləri
