TOVUZDA ŞƏHİD AİLƏLƏRİNƏ VƏ QARABAĞ MÜHARİBƏSİ ƏLİLLƏRİNƏ YENİ MƏNZİLLƏR VERİLMİŞDİR
AZƏRTAC xəbər verir ki, sentyabrın 26-da Tovuz şəhərində Əmək və Əhalinin Sosial Müdafiəsi Nazirliyinin vəsaiti hesabına şəhid ailələri və Qarabağ müharibəsi əlilləri üçün inşa olunan 36 mənzilli yaşayış binasının açılış mərasimi olmuşdur.
Bu münasibətlə keçirilən mərasimdə Tovuz Rayon İcra Hakimiyyəti başçısı Tofiq Zeynalov çıxış edərək mənzil alan ailələri təbrik etmişdir.
Sonra əmək və əhalinin sosial müdafiəsi naziri Füzuli Ələkbərov çıxış edərək dövlət tərəfindən şəhid ailələrinə və Qarabağ müharibəsi əlillərinə göstərilən qayğıdan söz açmışdır.
Mərasimin sonunda 36 nəfərə yeni mənzillərin açarları təqdim olunmuşdur.
Yeni mənzil alan ailələrin hər birinə televizor və soyuducu hədiyyə verilmişdir.
