TOVUZLULAR YENİDƏN ÜZÜM BAĞLARI SALIRLAR
Tovuz rayonunun Aşağı Quşçu kəndinin sakini, vaxtilə “Qələbə” sovxozunda uzun müddət aqronom işləmiş Əkbər Məhərrəmov öz pay torpağında üzüm tingi yetişdirməyə başlamışdır. O, indiyədək 10 min ədəd ting yetişdirərək sahibkarlara satmışdır. Hazırda şitilliklərdə daha 15 minə yaxın ting var.
Ə. Məhərrəmov AZƏRTAC-ın müxbiri ilə söhbətində demişdir ki, vaxtilə onun işlədiyi “Qələbə” sovxozu ildə 200 min tonadək üzüm istehsal edirdi. Lakin sonralar təkcə Aşağı Quşçuda deyil, bütün rayonda üzüm bağları məhv oldu. İndi isə yenidən üzüm bağları salmağa başlamışlar. Mən də fermerlərə kömək məqsədi ilə məhsuldar üzüm tingləri yetişdirirəm.
Bölmənin digər xəbərləri
