Tramp bəzi ölkələrin Qəzzaya daxil olmağa hazır olduqlarını açıqlayıb
Vaşinqton, 21 oktyabr, AZƏRTAC
Yaxın Şərqdə və ətraf bölgələrdəki indiki böyük müttəfiqlərimizdən çoxu açıq və güclü şəkildə mənə bildirdilər ki, əgər HƏMAS bizimlə razılaşmanı pozaraq səhv hərəkət etməyə davam edərsə, mənim xahişimlə Qəzzaya böyük bir qüvvə ilə daxil olmaq fürsətindən məmnun olacaqlar.
AZƏRTAC-ın məlumatına görə, bu sözləri ABŞ Prezidenti Donald Tramp “Truth” sosial mediasında yazıb. Tramp bildirib ki, o, həmin ölkələrə və İsrailə hələ bunu etməmələrini deyib.
“HƏMAS-ın düzgün hərəkət edəcəyinə hələ də ümid var. Əgər bunu etməsələr, HƏMAS-ın sonu sürətli və çətin olacaq. Mən köməklə bağlı müraciət edən ölkələrə təşəkkürümü bildirmək istəyirəm”,- deyə Tramp vurğulayıb.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
