DÜNYA
TRASEKA LAYİHƏSİ EKSPERTLƏRİNİN GÖRÜŞÜ
Fevralın 14-15-də Bakıda TRASEKA nəqliyyat dəhlizi çərçivəsində dəmir yolları, dəniz limanları və gəmiçilik şirkətlərinin səlahiyyətli nümayəndələrinin (ekspertlərinin) işgüzar müşavirəsi keçirilmişdir. Tarif siyasəti və əlaqələndirmənin təkmilləşdirilməsi məsələləri müzakirələrin başlıca mövzusu olmuşdur.
TRASEKA hökumətlərarası komissiyası Daimi katibliyinin baş direktoru Zviad Kvacantiradze bildirmişdir ki, müşavirədə Bakıda imzalanmış “TRASEKA nəqliyyat dəhlizi çərçivəsində dəmir yolları, dəniz limanları və gəmicilik şirkətlərinin əlaqələndirilmiş siyasətinin işlənib hazırlanmasına dair əsas saziş”ə uyğun olaraq, daimi işçi qrupu yaradılması barədə qərar qəbul edilmişdir. Səlahiyyətli nümayəndələr nəqliyyat dəhlizi çərçivəsində daşıma tariflərini azaltmağı da qərara almışlar. Layihənin həyata keçirilməsində iştirak edən digər nəqliyyat təşkilatlarının da yaxın vaxtlarda bu qərara qoşulacağı gözlənilir.
Zviyad Kvacantiradze demişdir ki, müşavirədə Əfqanıstana göndərilən humanitar xarakterli yüklərindaşınmasını asanlaşdırmaq barədə razılaşma da əldə edilmişdir.