TUFAN VƏ QASIRĞA CİDDİ ZƏRƏR VURMUŞDUR
Rayon icra hakimiyyətindən AZƏRTAC-ın müxbirinə bildirmişlər ki, təbii fəlakət nəticəsində köhnə binalar zədələnmiş, elektrik və rabitə xətləri sıradan çıxmışdır.
Təbii fəlakətin nəticələrini aradan qaldırmaq üçün təcili tədbirlər görülür. Rayon icra hakimiyyətinin yaratdığı fövqəladə komissiya mülki əhaliyə ilk yardım göstərir.
X X X
Bərdə rayon fövqəladə hallar komissiyasından AZƏRTAC-ın müxbirinə bildirmişlər ki, fasiləsiz tufan və qasırğa rayonun Kolayır, Mehdixanlı və digər yaşayış məntəqələrinə ciddi zərər vurmuşdur. Köhnə tikililər zədələnmişdir. Qasırğa elektrik dirəklərini aşırmış, evlərin dam örtüyünü dağıtmışdır. Şəxsi təsərrüfatlara da ciddi ziyan dəymişdir.
Təbii fəlakətin nəticələrini aradan qaldırmaq üçün tədbirlər görülür, dəymiş ziyanın həcmi müəyyənləşdirilir.
