“Tullantıları tinglərə dəyiş” aksiyası çərçivəsində vətəndaşlara 200 ədəd ting verilib
Bakı, 16 noyabr, AZƏRTAC
Ekologiya və Təbii Sərvətlər Nazirliyi tərəfindən təşkil olunan “Tullantıları tingə dəyiş” aksiyası Sumqayıt şəhərində yerləşən “Bravo” supermarketin qarşısında keçirilib.
Nazirliyin mətbuat xidmətindən AZƏRTAC-a verilən məlumata görə, aksiya zamanı ümumi tutumu 158 litr olan plastik, 53 litr şüşə və 167 ədəd işlənmiş batareya təhvil alınaraq əvəzində 200 ədəd ting paylanılıb.
Nazirlik hər kəsi aksiyalarda fəal iştirak etməyə, təbiətə töhfə verərək tullantıların sayının minimuma endirilməsinə və yaşıllıqların artırılmasına dəstək olmağa çağırır.
Vətəndaşlar əkdikləri tinglərin şəkillərini nazirliklə bölüşə bilərlər.
Bölmənin digər xəbərləri
