TURİZMİN İNKİŞAFI SAHİBKARLARDAN DA ASILIDIR
Ekologiya və təbii sərvətlər naziri Hüseynqulu Bağırov AZƏRTAC-ın müxbirinə demişdir ki, “Azərbaycan Respublikası regionlarının sosial-iqtisadi inkişafı Dövlət Proqramı”na uyğun olaraq ölkəmizdə turizmin inkişafı üçün bir sıra istiqamətlər müəyyən edilmişdir. Sahibkarları da turizmin inkişafına cəlb etməyi nəzərdə tutmuşuq. Bəzi sahibkarlar bizə müraciət edərək meşə sahələrini icarəyə götürmək istəyirlər. Əslində səfalı yerlər mövcud meşələr deyil, boş qalan, meşə salına bilən torpaqlardır. Vaxtilə məhv edilmiş meşələrin qalan hissəsində düşərgə yaratmaq üçün bu yerlərə vəsait qoymaq əvəzinə yaxşı olar ki, ucuz qiymətə boş qalan torpaqları alsınlar, bu yerlərdə, dədə-baba torpaqlarında məskənlər salsınlar, gözəl düşərgələr, istirahət ocaqları yaratsınlar. Bu yerlərdə yeni yaşayış məntəqələri, yollar, müəssisə tikilməsi imkanları genişləndirilsin.
Bölmənin digər xəbərləri
