Türk dünyasının elmi qurumları ilə əməkdaşlıq məsələsi müzakirə edilib
Bakı, 19 may, AZƏRTAC
Türk dünyasının elmi qurumları ilə əməkdaşlıq üçün daha çox iş görülməli, ortaq layihələr hazırlanmalı, onlayn elmi konfranslar keçirilməli, tanınmış türkoloqların yubileyləri qeyd edilməli, müqayisəli lüğətlər tərtib edilməlidir.
Bu fikirlər AMEA Nəsimi adına Dilçilik İnstitutunun Türk dilləri şöbəsinin onlayn iclasında səsləndirilib.
İnstitutdan AZƏRTAC-a bildirilib ki, iclasda Türk dilləri şöbəsinin müdiri, filologiya üzrə fəlsəfə doktoru Elçin İbrahimov əməkdaşların sosial təcrid şəraitində fəaliyyəti haqqında məlumat verib.
İclasda Türk Mədəniyyət Mərkəzi ilə elmi-mədəni əlaqələrin qurulması və bu istiqamətdə əməkdaşlığın genişlənməsi məsələsi müzakirə olunub.
Bölmənin digər xəbərləri
