TÜRK SAHİBKARLARI AZƏRBAYCAN İQTİSADİYYATINA 900 MİLYON DOLLARDAN ÇOX SƏRMAYƏ QOYMUŞLAR
Forumda çıxış edənlər demişlər ki, Azərbaycan dövlət müstəqilliyi qazandıqdan sonra ölkəmizdə fəaliyyət göstərən 800-dən artıq türk şirkəti respublikamızın iqtisadiyyatına 900 milyon dollardan artıq sərmayə qoymuşdur. Sərmayələr, əsasən, qeyri-neft sektoruna yönəldilmişdir. İndi 17 türk şirkətinin Azərbaycanda həyata keçirdiyi layihələrdən hər birinin dəyəri bir milyon dollardan yuxarıdır. Qardaş ölkənin sahibkarları özəlləşdirmə prosesində də fəal iştirak edirlər. Son vaxtlar onlar 18 müəssisənin səhmlərini almışlar.
1992-ci ildən bəri iki ölkə arasında bilavasitə iqtisadi əlaqələrə dair 88 protokol və saziş imzalanmışdır. Ötən il Azərbaycanla Türkiyə arasında əmtəə dövriyyəsi 263 milyon dollar, bu ilin yeddi ayında isə 151 milyon dollar olmuşdur. Azərbaycan mallarının dost ölkəyə ixracının əsas hissəsini neft və neft məhsulları, pambıq, kənd təsərrüfatı məhsulları təşkil edir. Türkiyədən ölkəmizə maşınqayırma və toxuculuq sahələrinin məhsulları, elektrik enerjisi göndərilir.
Lakin iki ölkə sahibkarlarını narahat edən məsələlərin həllində müsbət meyllərlə, yəni Türkiyə vətəndaşları üçün viza rüsumunun azaldılıb 10 dollara endirilməsi, Türkiyənin yük avtomobillərinin Azərbaycan ərazisindən keçməsinə görə rüsumun aşağı salınması ilə yanaşı, öz həllini gözləyən məsələlər də var.
Bölmənin digər xəbərləri
