TÜRKİYƏ BMT-NİN KİPRDƏKİ XÜSUSİ NÜMAYƏNDƏSİNƏ ANKARAYA GƏLMƏK ÜÇÜN VİZA VERMƏMİŞDİR
Ankara əmindir ki, Moller Kiprdə vəziyyətin normallaşdırılması məsələsində birtərəfli mövqe tutur. Türkiyə XİN-in başçısı Abdullah Gülün sözlərinə görə, “uzun illər Afrikada işləmiş Moller Kipr probleminin həllində, əsasən, Yunanıstan tərəfinin rəyini dinləyir və onun mövqeyi obyektivlikdən uzaqdır”.
Martın sonlarında Kofi Annanın və Abdullah Gülün ABŞ-da görüşü planlaşdırılır. Görüşdə Mollerin başqa nümayəndə ilə əvəz olunması məsələsi də müzakirə edilə bilər. Ankara Kiprdəki xüsusi nümayəndə əvəz olunduqdan sonra BMT-nin adada vəziyyətin nizama salınmasına dair Türkiyənin planını qəbul edəcəyinə ümid bəsləyir. Planda tərəflərin hava və dəniz limanlarını açması, Şimali Kiprin beynəlxalq aləmdən təcrid olunmasının ləğvi və BMT-nin himayəsi altında danışıqların davam etdirilməsi də nəzərdə tutulur.
Bölmənin digər xəbərləri
