TÜRKİYƏ BÖYÜK MİLLƏT MƏCLİSİNİN 84-CÜ İLDÖNÜMÜ MÜNASİBƏTİLƏ TƏDBİR KEÇİRİLMİŞDİR
AZƏRTAC xəbər verir ki, tədbiri mərkəzin müdiri, Milli Məclisin deputatı, professor Nizami Cəfərov açaraq demişdir ki, Azərbaycanda TBMM-nin ildönümlərinin qeyd olunması ənənəyə çevrilmişdir. Belə tədbirlər ölkələrimiz arasında əlaqələrin daha da inkişaf etməsinə səbəb olur. Bu həm də müstəqil Azərbaycanımızın qurucusu Heydər Əliyevin bizə etdiyi vəsiyyətdir. Ümummilli liderimiz TBMM-nin təcrübəsinin öyrənilməsini bizə tövsiyə etmişdir. Azərbaycan bu təcrübədən bəhrələnərək qüdrətli dövlətə çevrilməkdədir. Əvvəllər Türkiyə Azərbaycana dəstək olurdusa, indi Azərbaycan Türkiyənin mənəvi dayağına çevrilmişdir. Mərkəzin və digər oxşar qurumların əsas məqsədi bu dayağın daha da möhkəmləndirilməsinə xidmət etməkdir.
Mövzu ətrafında çıxışlar dinlənildikdən sonra mərhum ədəbiyyatşünas alim Şamil Qurbanovun “Atatürk və Nərimanov”, yazıçı Qılman İlkinin “Türk ordusu Bakıda” və publisist Anadolu Əbilovanın “İbrahim Əbilov-Atatürkün azərbaycanlı dostu” kitablarının təqdimatı olmuşdur.
Tanınmış elm, mədəniyyət xadimləri, ziyalılar, Milli Məclisin deputatları kitablar haqqında təəssüratlarını bölüşmüşlər.
Bölmənin digər xəbərləri
