TÜRKİYƏ BÖYÜK MİLLƏT MƏCLİSİNİN DEPUTATLARI İNCƏSƏNƏT MUZEYİ VƏ DÖVLƏT FİLARMONİYASI İLƏ TANIŞ OLMUŞLAR
Türkiyə Böyük Millət Məclisinin deputatları Dursun Akdəmir, Süleyman Bölünməz və Orxan Taş fevralın 8-də R.Mustafayev adına Azərbaycan Dövlət incəsənət muzeyində oldular.
Muzeyin direktor müavini Gülyana Məmmədova qonaqları Azərbaycan, Rusiya, Avropa və Şərq mədəniyyət nümunələri saxlanılan salonlarla tanış etdi. Türkiyəli qonaqlar müxtəlif dövrlərə aid sənət əsərlərini maraqla seyr etdilər.
Türkiyəli deputatlar ümummilli liderimiz Heydər Əliyevin portretinə və dünya şöhrətli oftalmoloq-alim Zərifə Əliyevanın büstünə də baxdılar. Azərbaycan sənət adamlarının əl işləri türk deputatların dərin marağına səbəb oldu. Onlara muzeylə bağlı kitablar hədiyyə edildi.
Sonra qonaqlar M.Maqomayev adına Azərbaycan Dövlət Filarmoniyasına gəldilər. Bu möhtəşəm cənət məbədinin direktoru Akif Məlikov filarmoniya binasının ümummilli liderimiz Heydər Əliyevin təşəbbüsü ilə təmir edildiyini diqqətə çatdırdı, onlara filarmoniya haqqında ətraflı məlumat verdi. Türkiyəli deputatlar filarmoniyada məşq edən “Qarabağ bülbülləri” ansamblı üzvlərinin ifasında “Qarabağ şikəstəsi”ni dinlədilər.
Bölmənin digər xəbərləri
