Türkiyə öz vətəndaşlarının Livandan mümkün təxliyəsinə hazırlaşır
Bakı, 26 sentyabr, AZƏRTAC
Türkiyə Müdafiə Nazirliyi öz vətəndaşlarının Livandan mümkün təxliyəsi üçün ilkin hazırlıq işləri görür.
AZƏRTAC xəbər verir ki, bu barədə TRT telekanalı Müdafiə Nazirliyinə istinadla məlumat yayıb.
“Türkiyə Silahlı Qüvvələri öz vətəndaşlarımızın və əcnəbilərin Livandan təhlükəsiz şəkildə təxliyəsi üçün bütün imkanlara malikdir. Hakimiyyət orqanları Yaxın Şərqdəki hadisələri yaxından izləyir. İlkin planlaşdırma və təxliyə üçün hazırlıqlar aparılır”, - deyə məlumatda bildirilir.
Qeyd edək ki, Ankara Livandakı vətəndaşlarının təxliyəsini planlaşdırdıqlarını hələ rəsmən açıqlamasa da, Yaxın Şərqdəki vəziyyətdən və İsrailin hərəkətlərindən hədsiz narahat olduqlarını ifadə edib.
Bölmənin digər xəbərləri
