TÜRKİYƏ ÖZ XARİCİ SİYASƏT XƏTTİNƏ SADİQDİR
Kipr Respublikasının “Türkiyə hava və dəniz limanlarını bizim üçün açmayacağı təqdirdə 2006-cı ildə Avropa Birliyinin təzyiqi ilə üzləşə bilər” bəyanatına cavab olaraq, XİN-nin mətbuat katibi Namiq Tan onun ölkəsi ilə AB arasında nə bu məsələdə, nə də digər sahələrdə heç bir problem olmadığını, bu təşkilata üzvlük çərçivəsində bütün texniki problemlərin vaxtında və uğurla həll olunduğunu bildirmişdir.
Mətbuatda təhrif olunmuş şəkildə işıqlandırılan məsələyə - İsrail ordusunun qərargah rəisinin Ankaraya səfəri zamanı guya Həkkəri və Boluda birgə təlimlərin keçirilməsi barədə xəbərlərə münasibət bildirən Namik Tan, bunun həqiqətə uyğun olmadığını söyləmişdir. O, habelə, NATO-nun İranın nüvə tədqiqatlarının araşdırılması tələbinin də Türkiyə ilə heç bir əlaqəsi olmadığını da vurğulamışdır.
Amerika Birləşmiş Ştatlarının mühüm bir bəyanatı - PKK terror təşkilatının İraqdan sıxışdırılıb çıxarılmasında ABŞ-ın Türkiyənin səylərini dəstəklədiyi də açıqlanmışdır.
Bölmənin digər xəbərləri
