TÜRKİYƏ PREZİDENTİ ABDULLAH GÜL QİƏT-Ə ÜZV ÖLKƏLƏRİN DİPLOMATLARI İLƏ GÖRÜŞMÜŞDÜR
AZƏRTAC-ın xüsusi müxbiri xəbər verir ki, Türkiyə Przidenti Abdullah Gül Qara dəniz İqtisadi Əməkdalıq Təşkilatının (QİƏT) yaradılmasının 16-cı idönümü münasibətilə QİƏT-in İstanbulda yerləşən katibliyini ziyarət etmişdir.
Abdullah Gül burada QİƏT-ə üzv ölkələrin İstanbuldakı diplomatik korpuslarının başçıları, o cümlədən Azərbaycanın baş konsulu Səyyad Aranla da görüşmüşdür. Baş konsul Türkiyənin dövlət başçısının da İsveçrədə axşam saatlarında seyr edəcəyi futbol üzrə Avropa çempionatının yarımfinal oyununda qardaş ölkənin milli komandasına uğurlar diləmişdir. Bildirmişdir ki, Türkiyənin qələbəsi Azərbaycanın da qələbəsidir.
Təşkilatın baş katibi Leonidas Krizantopulosla görüşən Türkiyənin dövlət başçısı demişdr ki, üzv ölkələr QİƏT-ə yeni dinamizm verməli, bu regional qurum çərçivəsində mühüm layihələr həyata keçirməlidirlər.
QİƏT 1992-cil ilin iyununda 12 ölkənin dövlət və hökumət başçılarının İstanbul görüşündə imzalanmış Bəyannamə ilə yaradılmışdır.
Bölmənin digər xəbərləri
