TÜRKİYƏ SƏFİRLİYİNİN MƏCBURİ KÖÇKÜNLƏRƏ YARDIMI
Yanvarın 16-da Türkiyənin Azərbaycandakı səfirliyi Nərimanov rayonundakı 6 nömrəli doğum evinin tikintisi yarımçıq qalmış binasında yaşayan məcburi köçkünlərə humanitar yardım aparmışdır.
Ermənistan silahlı qüvvələrinin işğal etdiyi Cəbrayıl, Qubadlı, Zəngilan və başqa rayonlardan olan məcburi köçkünlər 1993-cü ildən bu binada yerləşdirilmişlər. Baş nazirin müavini, Dövlət qaçqınkomun sədri Əli Həsənov yardımın təqdim olunması mərasimində iştirak edən Türkiyə Respublikasının ölkəmizdəki səfiri Unal Çeviközə bu barədə məlumat verərək bildirdi ki, bu adamlar ağır vəziyyətdə yaşayırlar, lakin məçburi köçkünlərin əsas hissəsi çadır şəhərciklərində yerləşdirilmişdir və onlar daha böyük çətinliklərlə üzləşirlər.
Əli Həsənov yardıma görə səfirə təşəkkürünü bildirərək dedi ki, Türkiyə rəhbərliyi torpaqlarımizin azad edilməsi uğrunda mübarizədə Azərbaycanı daim dəstəkləmiş və həmin ərazilər azad olunmasına Ermənistanla diplomatik əlaqələr yaradılmayacağını dəfələrlə bəyan etmişdir.
Baş nazirin müavini vurğuladı ki, Türkiyənin səfiri Azərbaycanda işlədiyi qısa müddət ərzində artıq Bərdənin çadır şəhərciyində olmuşdur.
Cənab Unal Çeviköz 150 ailə üçün humanitar yardımı təqdim edərək məcburi köçkünləri əmin etdi ki, Türkiyə onların öz torpaqlarına qayıtması üçün bütün humanitar təşkilatlarda bundan sonra da səy göstərəcəkdir.
Bölmənin digər xəbərləri
