Türkiyə Superliqası: "Qalatasaray" liderliyini möhkəmlədib
Bakı, 4 yanvar, AZƏRTAC
Türkiyə Superliqasının 18-ci turunda növbəti oyunlar keçirilib.
AZƏRTAC xəbər verir ki, günün mərkəzi qarşılaşmasında "Qalatasaray" və "Göztepe" komandaları üz-üzə gəlib. Görüş İstanbul nəhənginin 2:1 hesablı qələbəsi ilə başa çatıb. Meydan sahiblərinin heyətində qolları 10-cu dəqiqədə Viktor Osimhen, 61-ci dəqiqədə isə Yunus Akgün vurublar. Qonaqlarda isə 27-ci dəqiqədə Romulo fərqlənib. Bu nəticə ilə lider "Qalatasaray" xalını 47-yə yüksəldib, "Göztəpə" isə 28 xalla 5-ci pillədə qalıb.
Günün digər matçlarında isə "Başakşəhər" "Adana Demirspor"a 1:0, "Eyüpspor" "Antalyaspor"a 4:1, "Samsunspor" isə "Trabzonspor"a 2:1 hesabı ilə qalib gəlib.
Qeyd edək ki, 18-ci tura yanvarın 5-də yekun vurulacaq.
Bölmənin digər xəbərləri
