Türkiyədə axtarışda olan iki mindən çox şəxs saxlanılıb
İstanbul, 22 noyabr, AZƏRTAC
Türkiyənin 81 vilayətində ölkə üzrə axtarışda olanların saxlanılması istiqamətində əməliyyat keçirilib.
AZƏRTAC xəbər verir ki, bu barədə daxili işlər naziri Ali Yerlikaya bildirib. Onun sözlərinə görə, “Çəmbər” adı altında aparılan əməliyyatların gedişində müxtəlif cinayətlərdə şübhəli hesab edilən 2 min 136 nəfər saxlanılıb. Onların arasında on ildən artıq axtarışda olanlar var.
Əməliyyat Türkiyənin bütün vilayətlərinin valilik, prokurorluq, jandarma, polis, təhlükəsizlik idarələri və sahil mühafizə xidmətinin əməkdaşlarının birgə fəaliyyəti nəticəsində uğurla keçirilib.
Bölmənin digər xəbərləri
