Türkiyədə keçirilən afişa müsabiqəsinin qalibləri elan olunub
İstanbul, 20 yanvar, AZƏRTAC
Azərbaycanın Türkiyədəki səfirliyinin Ankarada fəaliyyət göstərən Qazi Universiteti ilə birgə reallaşdırdığı “Hər kəs yuxudaykən Anadoludan Qafqazadək erməni zülmü” adlı beynəlxalq afişa müsabiqəsinin nəticələri elan olunub.
Ölkəmizin Ankaradakı səfirliyindən verilən məlumata görə, Azərbaycan, Türkiyə, Qazaxıstan, Özbəkistan, Qırğızıstan və Şimalı Kiprdən olmaqla 12 nəfərdən ibarət münsiflər heyəti müsabiqəyə təqdim olunmuş əsərləri dəyərləndirib.
Müsabiqəyə 12 ölkədən 101 nəfərin 148 işi təqdim olunub. Birinci yeri “Hamı yatarkən” tablosunun müəllifi Rəcəb İsmayılov, ikinci yeri “Unudulmayan” əsərinə görə Halim Tibet tutub. Çakmak Sinanın “50 qızın göz yaşları” tablosu isə üçüncü yerinə layiq görülüb.
Xatırladaq ki, müsabiqəyə təqdim olunmuş 148 işdən seçilmiş 50 əsər fevralın 26-dan martın 7-dək Qazi Universitetinin Rəsm və Heykəl Muzeyinin sərgi salonunda Xocalı soyqırımına həsr olunmuş sərgidə nümayiş olunacaq.
Sabir Şahtaxtı
AZƏRTAC-ın xüsusi müxbiri
İstanbul
Bölmənin digər xəbərləri
