Türkiyədə PKK ilə əlaqədə şübhəli bilinən 282 nəfər saxlanılıb
Ankara, 18 fevral, AZƏRTAC
Son 5 gün ərzində Türkiyənin hüquq-mühafizə orqanları PKK terror təşkilatı ilə əlaqədə şübhəli bilinən 282 şəxsi saxlayıb.
AZƏRTAC xəbər verir ki, bu barədə fevralın 18-də Türkiyənin daxili işlər naziri Ali Yerlikaya sosial şəbəkələrdə məlumat verib.
Nazirin sözlərinə görə, “Gürz-46” kod adlı əməliyyat Ankara, İstanbul, İzmir və Adana kimi böyük şəhərlər də daxil olmaqla Türkiyənin 51 vilayətini əhatə edib.
Axtarışlar zamanı dövlət qeydiyyatına alınmamış silahlar və qadağan olunmuş ədəbiyyat aşkar edilib.
“Biz terror təhlükəsini Türkiyənin gündəmindən çıxarmaq üçün əlimizdən gələn hər şeyi edirik”, -deyən Daxili İşlər Nazirliyinin rəhbəri, həmçinin polisin əməliyyatını əlaqələndirdiyinə görə prokurorluğa təşəkkürünü bildirib.
AZƏRTAC-ın xüsusi müxbiri
Ankara
Bölmənin digər xəbərləri
