Türkiyədən Qəzzaya yardım aparan üçüncü təyyarə Misirə yola düşüb VİDEO
İstanbul, 14 oktyabr, AZƏRTAC
Türkiyənin Qəzzaya humanitar yardım daşıyan üçüncü təyyarəsi Ankaradan Misirə doğru yola çıxıb.
AZƏRTAC xəbər verir ki, hərbi təyyarə ilə göndərilən yardımlar arasında dərman, tibbi ləvazimatlar, konservlər, yataq dəstləri, uşaq bezləri kimi gündəlik tələbat malları var. Humanitar yükün Rəfah qapısından keçirilərək Qəzza sektoruna çatdırılması nəzərdə tutulur.
Türkiyədən Qəzzaya yardım aparan ilk iki təyyarə dünən Misir aeroportuna enib.
Qeyd edək ki, İsrail və Fələstin arasında münaqişənin kəskinləşdiyi andan etibarən Türkiyə problemin diplomatik yollarla həlli istiqamətində çoxşaxəli səylərini davam etdirir.
Bölmənin digər xəbərləri
