TÜRKİYƏNİN QİDA SƏNAYESİ İŞÇİLƏRİ HƏMKARLAR İTTİFAQLARININ NÜMAYƏNDƏ HEYƏTİ BAKIYA GƏLƏCƏK

29.12.2005 [11:53]
Çap et
A⁺ A^-

Gələn il Azərbaycan Kənd Təsərrüfatı və Qida Sənayesi İşçiləri Həmkarlar İttifaqları Federasiyası ilə Türkiyənin Qida Sənayesi İşçiləri Həmkarlar İttifaqları arasında təcrübə və məlumat mübadiləsi aparılacaqdır.

Federasiyanın sədri Tofiq Quliyev AZƏRTAC-a bildirmişdir ki, bu günlərdə İstanbulda həmin məsələ ilə əlaqədar razılaşma protokolu imzalanmışdır. Onun sözlərinə görə, türkiyəli həmkarlar ittifaqı nümayəndələri gələn ilin birinci yarısında Bakıya gələcəklər. Qonaqlara Azərbaycanda həmkarlar ittifaqlarının fəaliyyəti ilə bağlı ətraflı məlumat veriləcəkdir. Onlar müəssisə və təşkilatlarda əməkçilərin iş şəraiti ilə tanış olacaqlar.

Gələn ilin ikinci yarısında isə Azərbaycan həmkarlar ittifaqı nümayəndələrinin Türkiyəyə səfəri planlaşdırılır.