TÜRKİYƏNİN TƏHSİL NAZİRİ HÜSEYİN ÇELİK QAFQAZ UNİVERSİTETİNİN YENİ TƏDRİS BİNASININ AÇILIŞINDA İŞTİRAK ETMİŞDİR
Universitetin konfrans salonunda davam etdirilən tədbirdə bu ali təhsil ocağının rektoru, professor Əhməd Saniç, “Çağ” Öyrətim İşlətmələri Şirkətinin prezidenti Ənvər Özərən çıxış edərək, qardaş ölkələrimizin səmərəli təhsil əlaqələrinin yüksək səviyyədə inkişaf etməsində dahi şəxsiyyət Heydər Əliyevin müstəsna xidmətləri olduğunu və hazırda bu əməkdaşlığın Azərbaycan Prezidenti İlham Əliyev tərəfindən müvəffəqiyyətlə davam etdirildiyini vurğulamışlar. Natiqlər rəhbərlik etdikləri qurumlarda həyata keçirilən tədbirlər və əldə olunan nailiyyətlər haqqında da məlumat verdilər.
Sonra Azərbaycanda təhsilin hərtərəfli inkişafından və Qafqaz Universitetinin fəaliyyətindən bəhs edən film nümayiş olunmuşdur.
Türkiyənin təhsil naziri Hüseyin Çelik görkəmli dövlət xadimi Heydər Əliyevin Azərbaycanın elm və təhsilinin, mədəniyyətinin inkişafına göstərdiyi əvəzsiz xidmətləri xatırlatdı, Türkiyə ilə Azərbaycanın dostluq və qardaşlığının sarsılmazlığına inam ifadə etdi.
Təhsil naziri Misir Mərdanov ölkəmizdəki özəl ali məktəblər arasında Qafqaz Universitetinin yüksək reytinqə malik olduğunu, paytaxtda və bölgələrdə “Çağ” Öyrətim İşlətmələri Şirkəti liseylərinin və hazırlıq kurslarının fəaliyyət göstərdiyini, bu məktəblərdə təhsil alan şagirdlərin beynəlxalq fənn olimpiadalarında Azərbaycanı uğurla təmsil etdiklərini iftixar hissi ilə vurğuladı.
Sonra universitet rəhbərliyi hər iki nazirə ali məktəbin xatirə hədiyyələrini təqdim etdilər.
Bölmənin digər xəbərləri
