TÜRKİYƏNİN YÜKSƏK ÖYRƏTİM KURULUNUN NÜMAYƏNDƏLƏRİ NAXÇIVANDA OLMUŞLAR
Tikintisi davam edən müasir idman mərkəzi, elektron kitabxana və tibb fakültəsi nəzdindəki xəstəxana ilə tanış olan qonaqlar universitetdə görülən işləri yüksək qiymətləndirmişlər.
Qonaqlar universitetdə təhsil alan türkiyəli tələbələrlə də görüşmüşlər. NDU-nun rektoru, akademik İsa Həbibbəyli təhsil ocağının Türkiyə universitetləri ilə əməkdaşlığından bəhs etmişdir. O, Naxçıvanın coğrafi-siyasi mövqeyini və Azərbaycanın Türkiyə ilə dostluq münasibətlərini əsas gətirərək, qardaş ölkələrimizin ali təhsil ocaqları arasında əlaqələrin möhkəmləndirilməsinin zəruriliyini vurğulamışdır.
Türkiyəli tələbələr onlara yaradılan şəraitdən razılıqlarını bildirmiş, NDU-nun diplomlarının Türkiyədə tanınması ilə bağlı yaranmış problemlərdən danışmışlar. YÖK nümayəndələri qaldırılan məsələnin müzakirə ediləcəyini bildirmişlər.
Bölmənin digər xəbərləri
