TÜRKPA Azərbaycan və Ermənistan sərhədində baş vermiş son vəziyyətlə bağlı bəyanat yayıb
Bakı, 14 sentyabr, AZƏRTAC
Türk Dövlətləri Parlament Assambleyasının Katibliyi Ermənistan silahlı qüvvələrinin Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində insan tələfatı və yaralanması ilə nəticələnən hərbi təxribatı ilə bağlı dərin narahatlığını bildirir və bu vəziyyəti qətiyyətlə qınayır.
AZƏRTAC xəbər verir ki, TÜRKPA beynəlxalq hüququn norma və prinsiplərinə sadiqliyini və qardaş Azərbaycanın ərazi bütövlüyünə və beynəlxalq səviyyədə tanınmış sərhədlərinin toxunulmazlığına güclü dəstəyini bir daha təsdiq edərək, Cənubi Qafqazda davamlı sülh və sabitlik naminə Azərbaycan və Ermənistan arasında münasibətlərin normallaşdırılması üçün səylərin əhəmiyyətini vurğulayır.
Katiblik qardaş Azərbaycan xalqına və şəhid ailələrinə başsağlığı verir, Allahdan şəhidlərə rəhmət, qazilərə və xəsarət alanlara şəfa diləyir.
Bölmənin digər xəbərləri
