TV YAYIMINDA ERMƏNİSTANIN YARATDIĞI PROBLEM MÜZAKİRƏ EDİLMİŞDİR
Rabitə və İnformasiya Texnologiyaları Nazirliyi Müstəqil Dövlətlər Birliyi çərçivəsində fəaliyyət göstərən Regional Rabitə Təşkilatı (RRT) qarşısında bu barədə məsələ qaldırmışdı.
Təşkilatın dəvəti ilə Rabitə və İnformasiya Texnologiyaları Nazirliyinin nümayəndələri Moskva şəhərində ezamiyyətdə olmuşlar. Səfər zamanı Regional Rabitə Təşkilatının vasitəçiliyi ilə Rusiya, Azərbaycan, Ermənistan nümayəndələri televiziya kanallarının yayımlanmasının əlaqələndirilməsi üzrə yaranmış problemin aradan qaldırılması üçün danışıqlar aparmışlar.
Ermənistan televiziya kanallarının Azərbaycan ərazisinə yayımının qarşısının alınması, gələcəkdə belə halların təkrar olunmaması üçün birgə razılıq əldə edilmiş və müvafiq protokol imzalanmışdır. Azərbaycanın bu sahədə qaldırdığı problemlər protokolda bütünlüklə öz əksini tapmışdır.
Regional Rabitə Təşkilatının növbəti toplantısında televiziya yayımında Ermənistanın yaratdığı problemlərin aradan qaldırılması vəziyyətinə baxılacaqdır.
Bölmənin digər xəbərləri
