Üç rübdə Mərkəzi Bankın 4,9 milyard manatlıq notları qeydiyyata alınıb
Bakı, 17 noyabr, AZƏRTAC
Bu ilin yanvar-sentyabr aylarında ölkədə Mərkəzi Bankın 4 milyard 990 milyon manat dəyərində notları, 725 milyon manat dəyərində dövlət istiqrazları, 636,5 milyon manat dəyərində korporativ istiqrazları, 392,8 milyon manat dəyərində səhmlər dövlət qeydiyyatına alınıb.
Dövlət Statistika Komitəsindən AZƏRTAC-a bildirilib ki, bu dövr ərzində Bakı Fond Birjasında keçirilmiş hərraclarda Mərkəzi Bankın 4 milyard 307,3 milyon manatlıq notları, 711,4 milyon manatlıq dövlət istiqrazları, 559 milyon manatlıq korporativ istiqrazları və 148,4 milyon manatlıq səhmlər yerləşdirilib.
Üç rübdə nominal dəyəri 1 milyard 296 milyon manat olan korporativ istiqrazları, 383,2 milyon manatlıq dövlət istiqrazları, Mərkəzi Bankın 255,4 milyon manatlıq notları və 108 milyon manatlıq səhmlər tədavüldə olub.
Bölmənin digər xəbərləri
