Üçqat dünya çempionu Pele xəstəxanadan evə buraxılıb
Bakı, 21 yanvar, AZƏRTAC
Futbol üzrə üçqat dünya çempionu Pele kimya terapiyası keçdikdən sonra xəstəxanadan evə buraxılıb.
AZƏRTAC TASS informasiya agentliyinə istinadla xəbər verir ki, xəstəxanadan verilən açıqlamada 82 yaşlı sabiq hücumçunun vəziyyətinin sabit olduğu bildirilib.
Daha əvvəl ESPN telekanalı Pelenin “San Paulu” klinikasında bir neçə gün ərzində kimya terapiyası ilə yanaşı, müayinə edilməsi barədə xəbər verib.
2021-ci ilin sentyabrında Pele şişin götürülməsi üçün əməliyyat olunub. Dekabrın 8-də isə o, müalicə keçməkdən ötrü planlı şəkildə xəstəxanaya yerləşdirilib.
Qeyd edək ki, Pele futbol üzrə yeganə üçqat (1958-ci, 1962-ci, 1970-ci) dünya çempionudur.
Bölmənin digər xəbərləri
