Üçqat Olimpiya çempionu olan yaponiyalı qadın güləşçi karyerasını başa vurub
Tokio, 8 yanvar, AZƏRTAC
Yaponiyalı qadın güləşçi, üçqat Olimpiya çempionu Saori Yoşida karyerasını bitirdiyini bildirib.
AZƏRTAC xəbər verir ki, 36 yaşlı S.Yoşida “Twitter”dəki səhifəsində bu barədə yazıb: “Mən 33 illik karyerama son qoyuram. Dəstəyə görə hamıya minnətdarlığımı bildirirəm”.
O, 2004-cü, 2008-ci və 2012-ci illərdə keçirilən Olimpiya Oyunlarında 55 kiloqram çəki dərəcəsində çempion olub. On üç dəfə dünya çempionu adını qazanan S.Yoşida bu göstərici üzrə həm qadınlar, həm də kişilər arasında mütləq rekord müəyyən edib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
