UEFA-nın Çempionlar Liqasının formatını 2024-cü ildən dəyişdirmək təklifi dəstəklənib
Bakı, 10 fevral, AZƏRTAC
UEFA-ya üzv olan 55 federasiyanın hamısı təşkilatın Çempionlar Liqasının formatını 2024-cü ildən dəyişdirmək təklifini dəstəkləyib.
AZƏRTAC xəbər verir ki, bu barədə “Sky Sports” telekanalı məlumat yayıb. Belə ki, bu məsələ UEFA-nın prezidenti Aleksander Çeferinin rəhbərliyi ilə keçirilən videokonfransda müzakirə edilib. Bununla bağlı son qərar böyük ehtimalla aprel ayında veriləcək.
UEFA Çempionlar Liqasının islahatı iştirakçı komandaların sayının 32-dən 36-ya qaldırıb, bununla da qrup mərhələsindəki hər bir komandanın oyun sayının altıdan ona yüksəldilməsini nəzərdə tutur. Səkkiz qrupun hazırkı formatı da dəyişdiriləcək və turnir İsveçrə sistemi üzrə oynanılacaq. Bundan sonra formalaşacaq turnir cədvəlinə görə, ilk səkkizlikdə qərarlaşan komandalar birbaşa olaraq özlərinə səkkizdəbir finala çıxmağı təmin edəcəklər. Digər 16 komanda pley-offa çıxmağı təmin etmək üçün matçlarda oynamalı olacaq.
Bölmənin digər xəbərləri
