UKRAYNA PREZİDENTİ HÖKUMƏTDƏN “QAZPROM”LA DANIŞIQLARDA SƏRT MÖVQE TUTMAĞI TƏLƏB EDİR

29.12.2005 [18:20]
Çap et
A⁺ A^-

AZƏRTAC-ın Ukrinformdan aldığı xəbərə görə, Ukrayna Prezidenti Viktor Yuşşenko NTN telekanalına müsahibəsində bildirmişdir ki, onun ölkəsi ilə Rusiya arasında qaz münaqişəsinə dair qərar yaxın günlərdə qəbul ediləcəkdir. Bu, ekspertlər, yaxud əlaqədar idarələr səviyyəsində deyil, iki ölkənin prezidentləri səviyyəsində qəbul edilən siyasi qərar olacaqdır.

Yuşşenko Rusiyanın “Qazprom” şirkətinin min kubmetr qaz üçün 230 dollar məbləğində təklif etdiyi qiyməti “fitnəkarlıq üçün qiymət” adlandırmış və Ukraynanın bununla razılaşmayacağını söyləmişdir. O, hökumətə bu məsələdə sərt mövqe tutmağı tapşırmışdır.

Dövlət başçısı demişdir ki, Ukrayna enerji təchizatı məsələlərində Rusiya ilə iqtisadi münasibətlər və bazar münasibətləri sisteminə keçə bilər. Biz Ukraynaya göstərilən xidmətlərin və ölkəmizin aldığı malların haqqını vicdanla ödəmək istəyirik. Odur ki, bizim xidmətlərin də haqqının vicdanla ödənilməsini tələb edəcəyik.

Bununla da Prezident dolayısı yolla anlatmışdır ki, Ukrayna Rusiya qazının Avropaya tranzit tariflərini qaldırmaq niyyətindədir.

UKRAYNA PREZİDENTİ HÖKUMƏTDƏN “QAZPROM”LA DANIŞIQLARDA SƏRT MÖVQE TUTMAĞI TƏLƏB EDİR

MÜƏLLİFLƏ ƏLAQƏ