Ukrayna və Avropa İttifaqı ölkələri bəzi tariflərdən imtina edir
Kiyev, 14 oktyabr, AZƏRTAC
Oktyabrın 14-də Ukrayna və Avropa İttifaqı bəzi tariflərdən imtina etmək və Ukraynanın Aİ-yə kənd təsərrüfatı məhsullarının ixracına kvotaları artırmaq qərarına gəlib.
AZƏRTAC xəbər verir ki, bu barədə Ukrayna Baş nazirinin Avropa və Avro-Atlantik inteqrasiya üzrə müavini Taras Kaçki feysbuk səhifəsində yazıb.
Qərar 15 gün ərzində, oktyabrın 29-da qüvvəyə minəcək. Bu, bir gün əvvəl Avropa İttifaqı Şurasının Ukrayna ilə yeni ticarət sazişinin şərtlərini qəbul etdikdən sonra edilib.
"Ukraynalı ixracatçılar yeni ticarət rejimindən yararlana biləcəklər. Qərar ikitərəflidir və qeyri-müəyyən müddətə qüvvədədir", - deyə Kaçki qeyd edib.
Onun sözlərinə görə, Avropa bazarına çıxışın artırılmasına yönəlmiş növbəti qərar 2028-ci ildə baş tutacaq.
Xatırladaq ki, Aİ Şurası Ukraynanın bir sıra kənd təsərrüfatı məhsullarına rüsumların azaldılması və ya ləğv edilməsi barədə qərar qəbul edib. Bu məhsullara süd məhsulları, təzə meyvə və tərəvəzlər, ət və ət məhsulları daxildir.
Bölmənin digər xəbərləri
