Ukrayna və Moldova arasında siyasi məsləhətləşmələr aparılıb
Kiyev, 27 mart, AZƏRTAC
Ukrayna və Moldova arasında siyasi məsləhətləşmələr aparılıb.
Ukrayna Xarici İşlər Nazirliyindən AZƏRTAC-a bildiriblər ki, siyasi məsləhətləşmələrdə Moldova nümayəndə heyətinə dövlət katibi Dmitri Sokolan, Ukraynaya isə XİN müavini Vasiliy Bodnar rəhbərlik edib.
Görüşdə Ukrayna-Moldova əməkdaşlığı məsələləri, regional və beynəlxalq münasibətlərdə yaranan bir sıra suallar müzakirə olunub. Tərəflər əməkdaşlığın dinamikasından razı qaldığını vurğulasa da, mövcud potensialdan tam istifadə edilmədiyini bildirib. Diplomatlar infrastruktur, ticarət-iqtisadi və humanitar sahədə birgə layihələrin həyata keçirilməsinin vacibliyini qeyd ediblər.
Görüşdə, həmçinin Ukrayna və Moldovanın Avropa İttifaqına inteqrasiya məsələləri də müzakirə olunub.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
