Ukraynada koronavirus 116 nəfərin həyatına son qoyub
Kiyev, 16 aprel, AZƏRTAC
Ukraynada son sutkada 397 nəfər koronavirusa yoluxub. Bununla da ölkədə koronavirusa tutulanların sayı 4161 nəfərə çatıb.
AZƏRTAC ölkənin Səhiyyə Nazirliyinə istinadla xəbər verir ki, son sutkada 8 nəfər ölüb. Ümumilikdə, koronavirusdan ölənlərin sayı 116 nəfərə çatıb. Koronavirusdan ölənlərin 85 faizində ürək-damar xəstəlikləri, şəkərli diabet, böyrək çatışmazlığı kimi xəstəliklər olub. 186 nəfər tam müalicə olunaraq evlərinə buraxılıb.
Ukraynada koronavirusa yoluxanların 60 faizi 30-59, 20,7 faizi isə 60-100 yaşlı insanlardır.
Qeyd edək ki, ölkədə aprelin 24-dək bütün beynəlxalq uçuşlar dayandırılıb, karantin elan edilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
