UKRAYNADA YERALTI FESTİVAL
Artıq üç ildir ki, dünyaşöhrətli musiqiçilər frak geyinərək, yeraltı şaxtaya enirlər. Elə festival da burada keçirlir.
Duz mədənlərinin içində qeyri-adi akustika var, həm də burada rahat nəfəs almaq olur. Gün ərzində konsertə 350 nəfər tamaşa edə bilir.
Bu il ənənəvi iştirakçılardan – Donetsk və Luqansk akademik simfonik orkestrləri, Taras Şevçenko adına Luqansk Universitetinin xoru və avstriyalı Kurt Şmidtdən savayı, Vyana simfonik rok-orkestrinin də konserti gözlənilir. Türkiyənin opera ulduzu Erdəm Baydar festivalın qonağı olacaqdır.
Bu il festivalda Motsart, Bize və Ştrausun musiqisi ilə yanaşı, Nikolay Lısenkonun “Taras Bulba” operası və müasir Ukrayna bəstəkarı Lev Kolodubun “Karpat rapsodiyası” da səslənəcəkdir.
Bölmənin digər xəbərləri
