Ukraynanın Sumı şəhərində 20 Yanvar faciəsinə həsr olunmuş görüş-rekviyem keçirilib
Kiyev, 16 yanvar, AZƏRTAC
Azərbaycanın Xarkovdakı fəxri konsulluğuSumı şəhərində 20 Yanvar faciəsinə həsr olunmuş görüş-rekviyem keçirib.
Əvvəlcə faciə qurbanlarının xatirəsi bir dəqiqəlik sükutla yad edilib.
Azərbaycan Respublikasının Xarkovdakı fəxri konsulu Əfqan Salmanov bildirib ki, 1990-cı il yanvarın 19-dan 20-nə keçən gecə totalitar sovet ordusu Azərbaycan xalqına qarşı amansız və qeyri-insani aksiya həyata keçirib.
Fəxri konsul deyib ki,buqanlı faciə tarixi yaddaşımıza matəm günü kimi daxil olub. Ancaq 20 Yanvarhəm də Azərbaycan xalqının qəhrəmanlıq salnaməsidir. Həmin gün xalqımız öz azadlıq əzmini bütün dünyaya nümayiş etdirib.
Sumı Vilayət Dövlət Administrasiyasının sədri Nikolay Kloçko qeyd edib ki,həm Azərbaycan, həm də Ukrayna xalqı müstəqillik və azadlıq uğrunda mübarizə aparıb və buna nail olub.
Sonra A.S.Makarenko adına Sumı Dövlət Universitetinin tarix fakültəsinin dekanı Anatoli Qonçarenko əhalinin bütün konstitusiya hüquqlarını pozan Sovet İttifaqının silahsız insanlara qarşı hərbi gücdən istifadə etdiyini təsdiqləyən faktları diqqətə çatdırıb.
Tədbirdə Sumı Vilayət Dövlət Administrasiyasının, vilayət sovetinin, ictimai təşkilatların, Azərbaycan diasporunun, milli azlıqların və KİV-lərin nümayəndələri iştirak ediblər.
Zeynal Ağazadə
AZƏRTAC-ın xüsusi müxbiri
Kiyev
Bölmənin digər xəbərləri
