Ülvi Sadıxov Türkiyə şahmat festivalının liderindən 1 xal geridədir
Bakı, 24 iyun, AZƏRTAC
Türkiyənin Çeşme şəhərində ənənəvi beynəlxalq şahmat festivalı davam edir.
AZƏRTAC xəbər verir ki, 4-cü dəfə keçirilən “A” turnirində 135şahmatçı, o cümlədən 11 qrossmeyster iştirak edir.
Yarış iştirakçıları sırasında Azərbaycanı beş nəfər - beynəlxalq ustalar Bəhruz Rzayev, Ülvi Sadıxov, FIDE ustası Murad Nuri, habelə Müşfiq Əsgərov və Azər Abdullayev təmsil edir.
“A” turnirində altı turdan sonra 5,5 xal toplayan ukraynalı qrossmeyster Valeri Neverov irəlidədir. Altı şahmatçı ondan 0,5 xal, doqquz şahmatçı, o cümlədən Ülvi Sadıxov 1 xal geridədir.
Müşfiq Əsgərov, Bəhruz Rzayev və Murad Nurinin aktivində 4 xal var, Azər Abdullayev isə 3,5 bal toplayıb.
Bölmənin digər xəbərləri
