ÜMUMMİLLİ LİDER HEYDƏR ƏLİYEVİN VƏ ŞƏHİDLƏRİN XATİRƏSİNƏ EHTİRAM
AZƏRTAC xəbər verir ki, Avropa Şurası Parlament Assambleyasının (AŞPA) sədri Luis Maria de Puçun başçılıq etdiyi nümayəndə heyəti iyulun 1-də Fəxri xiyabana gəlmişdir. Burada qonağı Milli Məclisin beynəlxalq münasibətlər və parlamentlərarası əlaqələr daimi komissiyasının sədri, AŞPA-dakı Azərbaycan nümayəndə heyətinin rəhbəri Səməd Seyidov və digər rəsmi şəxslər qarşıladılar.
AŞPA sədri Azərbaycan xalqının ümummilli lideri, dünya şöhrətli siyasi xadim Heydər Əliyevin məzarı önünə gül dəstələri düzdü, ulu öndərin xatirəsini ehtiramla yad etdi.
Sonra AŞPA sədri Luis Maria de Puç Şəhidlər xiyabanında Azərbaycanın ərazi bütövlüyü və suverenliyi uğrunda canlarından keçmiş qəhrəman Vətən oğullarının məzarları üstünə tər qərənfillər düzdü.
Qonaqlar Bakının ən yüksək nöqtəsindən paytaxtın mənzərəsini seyr etdilər.
######
 |
 |
Bölmənin digər xəbərləri
