Uşaq musiqi məktəbinin şagirdi beynəlxalq müsabiqənin qalibi olub
Bakı, 5 dekabr, AZƏRTAC
Bakı Şəhər Mədəniyyət Baş İdarəsi Əhməd Bakıxanov adına 6 nömrəli uşaq musiqi məktəbinin şagirdi Oqtay Xudiyev (müəllim Sevda Rəhimova) İspaniyada keçirilən "Word Art Games" beynəlxalq onlayn müsabiqəsində I yaş kateqoriyasında, 27 ölkədən gələn 9 yaşına qədər uşaqlar arasında birinci yerə layiq görülüb.
İdarədən AZƏRTAC-a bildirilib ki, müsabiqə “Xoreoqrafiya kollektivləri və solistlər”, “İnstrumental kollektivlər və solistlər”, “Vokal (xorlar, ansambllar, müzikllar, duetlər, triolar, solistlər)”, “Orijinal janr” nominasiyalarında 7 yaş kateqoriyası üzrə keçirilib.
Əhməd Bakıxanov adına 6 nömrəli uşaq musiqi məktəbinin şagirdi Oqtay Xudiyev “İnstrumental sənət” nominasiyasında ən kiçikyaşlı uşaqları özündə birləşdirən I kateqoriyada qalib gələrək diploma layiq görülüb və 2021-ci ildə İspaniyada keçiriləcək "Sea Sun Festival"ında 2-ci tura dəvət alıb.
Bölmənin digər xəbərləri
