“Utair” aviaşirkəti Moskvadan Gəncəyə yeni reys açır
Moskva, 2 fevral, AZƏRTAC
Rusiyanın “Utair” aviaşirkəti fevralın 9-dan başlayaraq Moskvadan Gəncəyə yeni reys açır.
AZƏRTAC aviadaşıyıcının saytına istinadla xəbər verir ki, uçuşlar hər həftənin çərşənbə günləri “Boeing 737-800” ilə həyata keçiriləcək. Təyyarə Moskvadan saat 06.05-də, Gəncədən isə saat 11.30-da yola düşəcək. Biletlərin qiyməti 8810 rubldan başlayır.
“Utair - Sərnişin aviayolları” aviaşirkətinin prezidenti Oleq Semyonov deyib: “Hətta aviareyslərin məhdudlaşdırılması şəraitində də biz uçuşların coğrafiyasını genişləndirir, öz cədvəlimizə yeni istiqamətlər daxil edirik. “Utair” uzun illərdir Moskvadan və regionlardan Azərbaycanın paytaxtı Bakıya uçuşlar həyata keçirir, indi isə sərnişinlərin rahatlığı üçün Gəncəyə yeni marşrut tətbiq edirik”.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
