VALTER ŞVİMMER ERMƏNİSTANI XƏBƏRDAR ETMİŞDİR
Son günlər Ermənistanda Prezident Robert Koçaryanın istefasını tələb edən mitinq iştirakçılarına polisin güc tətbiq etməsinə, kütləvi həbslərə, o cümlədən parlament deputatlarının və jurnalistlərin həbs olunmalarına kəskin etirazını bildirən baş katib demişdir ki, “əgər media azad olsaydı, biz vəziyyət barədə daha ətraflı məlumata malik olardıq”.
AŞ Parlament Assambleyasının zorakılığa, həbslərə dair inzibati kodeksini xatırladan baş katib bu cür hərəkətlərin yolverilməz olduğunu bildirmişdir.
Avropa Şurasının baş katibi quruma üzv olan ölkələrlə birlikdə Ermənistanda demokratiyaya qarşı yönəldilmiş hərəkətləri pisləmişdir. Valter Şvimmer demişdir: “Demokratiya şəraitində insanlar bir yerə toplaşmaqda, öz fikirlərini bölüşməkdə, hətta dövləti və prezidenti tənqid etməkdə sərbəstdirlər”. Ölkənin dövlət rəhbərlərini insan huquqlarına dair Avropa Konvensiyasının maddələrinə əməl etməyə çağıran cənab Şvimmer “Ermənistanın islahatları həyata keçirmək üçün qiymətli vaxtı itirdiyini” bəyan etmişdir.
Sonda baş katib bütün siyasi qüvvələri zorakılıq hərəkətlərindən əl çəkməyə və demokratik islahatları həyata keçirmək sahəsində dialoqa çağırmışdır.
Bölmənin digər xəbərləri
