Van gölündən çıxarılan cəsədlərin sayı altmışa çatıb
Ankara, 20 iyul, AZƏRTAC
Türkiyənin Van gölündə qaçqınları daşıyan qayığın batması ilə əlaqədar aparılan axtarışlar nəticəsində sudan çıxarılan cəsədlərin sayı altmışa çatıb.
AZƏRTAC xəbər verir ki, iyulun 1-də batan qayıqda itkin düşən şəxslərin axtarışı Türkiyə Milli Müdafiə Nazirliyinin birinci dərəcəli dalğıc heyəti tərəfindən həyata keçirilib. Sualtı axtarış cihaz sistemindən istifadə edərək qayığın təxminən 107 metr dərinlikdə olduğu müəyyən edilmişdi. Hadisənin birinci günü cəmi 6 cəsəd tapılmışdı.
Qayıq batarkən orada 55-60 qaçqının olduğu bildirilirdi. Ehtimal olunur ki, hadisə nəticəsində itkin düşənlərin hamısının cəsədi tapılıb.
Qeyd edək ki, hadisə ilə əlaqədar cinayət işi açılıb. Qanunsuz miqrasiya həyata keçirməkdə şübhəli bilinən yeddi nəfərin saxlanıldığı bildirilir.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
