Vatikan şəhəri dövləti üzrə qubernatorluğa yeni prezident təyin olunub
Vatikan, 17 fevral, AZƏRTAC
Roma Katolik Kilsəsinin rəhbəri Papa Fransisk Vatikan şəhəri dövləti üzrə qubernatorluğa yeni prezident təyin edib.
AZƏRTAC xəbər verir ki, rahibə Raffaella Petrini martın 1-dən etibarən Qubernatorluğun prezidenti, eləcə də Vatikan Dövlətində Papa Komissiyasının sədri vəzifələrini icra edəcək. Əlli altı yaşlı rəhibə Petrini indiyədək Vatikan şəhəri dövləti üzrə qubernatorluğun Baş katibi idi.
Martın 1-də Vatikan şəhəri dövləti üzrə qubernatorluğun hazırkı prezidenti kardinal Fernando Vergez Alzaqanın 80 yaşı tamam olacaq.
Qeyd edək ki, Fransiskin pontifikliyi dövründə Müqəddəs Taxt-Tacda yüksək vəzifələrdə çalışan qadınların sayı xeyli artıb. 2013-2023-cü illərdə Vatikanda qadınların nisbəti 19,2 faizdən 23,4 faizə yüksəlib, bu illər ərzində qadınlar yüksək vəzifələrə təyin ediliblər.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
