Veloyürüşçü Afremova: Bakıda yürüşlər külək sakitləşəndən sonra keçiriləcək
Bakı, 6 iyun, AZƏRTAC
Rusiyalı veloyürüşçü, Dünya kuboku mərhələsinin mükafatçısı Natalya Afremova bildirib ki, BMX üzrə dünya çempionatında yürüşlər günün gec saatlarında, hava çox küləkli olmayan vaxt keçiriləcək.
AZƏRTAC xatırladır ki, iyunun 5-də Bakıda velosiped idmanının BMX növü üzrə dünya çempionatına start verilib.
Afremova deyib: “Bakıda beynəlxalq test yarışlarında iştirak etmişəm. O vaxt fəxri kürsüyə qalxa bildik. Bakıda həmişə hava küləkli olur. Biz oraya məşq toplantısına gələndə yürüşləri axşam vaxtı keçirirdik. Yeri gəlmişkən, budəfəki yürüşlər demək olar ki, gecə vaxtı keçiriləcək, çünki o vaxt külək çox güclü olmur”.
Afremova daha sonra deyib: “Bu il mən böyümüşəm, elita səviyyəsinə çatmışam və çox məsələlərə münasibətim dəyişib. İndi mən elə səviyyəyə çatmışam ki, elitada çıxış etmək üçün təkan ala bilərəm. Dünya kubokunun Fransada keçirilmiş birinci startı mənim üçün uğurlu oldu. Hərçənd, mükafatçılar sırasına düşəcəyimi özüm də gözləmirdim. Sadəcə, hər yeni mərhələyə keçdikcə rahatlaşırdım və son nəticədə podiuma qalxmağa nail oldum”.
Bölmənin digər xəbərləri
