Venesueladakı müvəqqəti hökumət 30-50 milyon barel nefti ABŞ-a təhvil verməyə razılaşıb
Vaşinqton, 7 yanvar, AZƏRTAC
Venesueladakı müvəqqəti hakimiyyət 30-50 milyon barel yüksək keyfiyyətli, sanksiyalı nefti Amerika Birləşmiş Ştatlarına təhvil verəcək.
AZƏRTAC-ın məlumatına görə, bu barədə ABŞ Prezidenti Donald Tramp “Truth” sosial mediasında yazıb.
O bildirib ki, bu neft bazar qiymətinə satılacaq.
“Bu vəsaitin Venesuela və ABŞ xalqlarının mənafeyi naminə istifadə olunmasını Amerika Birləşmiş Ştatlarının Prezidenti kimi şəxsən mən təmin edəcəyəm. Mən energetika katibi Kris Raytdan bu planın dərhal həyata keçirilməsini xahiş etdim. O, saxlama gəmiləri ilə daşınacaq və birbaşa ABŞ-dakı boşaltma limanlarına çatdırılacaq”, – deyə Tramp vurğulayıb.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
