VƏTƏNDAŞLARDAN NARKOTİK MADDƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Narkotiklərlə Mübarizə Baş İdarəsi əməkdaşlarının keçirdikləri əməliyyat tədbirləri nəticəsində Salyan rayon sakini Səmədağa Qurbanovdan 26,05 qram marixuana götürülmüşdür.
Səbail Rayon Polis İdarəsinin əməkdaşları Bakı sakini Oqtay Qasımbəyovdan 0,415 qram heroin, Göygöl rayon sakini, əvvəllər məhkum olunmuş Elşən İsmayılovdan 428,49 qram marixuana, Xətai Rayon Polis İdarəsinin 35-ci bölməsi əməkdaşları Bakıxanov qəsəbəsinin sakini Kamal Həsənovdan 0,323 qram heroin müsadirə etmişlər.
Faktlarla bağlı cinayət işi açılmışdır, araşdırma aparılır.
Ağdaş Rayon Polis Şöbəsinin əməkdaşları tərəfindən Qaradağlı kəndindən yabanı halda bitmiş, çəkisi 210 kiloqram olan 1814 ədəd çətənə kolları yığılaraq yandırılmışdır.
Bölmənin digər xəbərləri
